மீராவோடை பாடசாலை மைதானக்காணியே எனது பிரச்சனை-அம்பிட்டிய சுமனரத்ண தேரர் (வீடியோ)

0
105

கவர் போட்டோஓட்டமாவடி அஹமட் இர்ஷாட்
எனது வேலை தமிழ் மக்களுக்கோ அல்லது முஸ்லிம் மக்களுக்கோ காணி பிடித்துக்கொடுப்பதோ அல்லது இடம் சம்பந்தமான பிரச்சனைகளில் தலையிடுவதோ கிடையாது.

மாறாக, சிறார்கள் கல்வி கற்கின்ற பாடசாலை மைதானத்தினை விரிவுபடுத்திக்கொடுக்கும் மானசீக ரீதியான பணியினையே செய்து வருகின்றேன் என அம்பிட்டிய சுமனரத்ண தேரர் மீராவோடை சக்தி வித்தியாலய விளையாட்டு மைதானப் பிரச்சனை சம்பந்தமாக கேள்வியெழுப்பிய பொழுது மேற்கண்டவாறு தெரிவித்தார்.

கோறளைப்பற்று மேற்கு ஓட்டமாவடி பிரதேச செயலகம், பிரதேச சபை நிருவாக எல்லைகளுக்குட்பட்ட 207 ஏ மாஞ்சோலைக்கிராம சேவகர் பிரிவின் பதுரியா நகர் எனும் தமிழ், முஸ்லிம் எல்லைக்கிராமத்தில் எல்லையில் அமைந்துள்ள மீராவோடை சக்தி வித்தியாலயத்தின் மைதானத்தினை விரிவுபடுத்தக்கோரி மட்டக்களப்பு மங்களராமய அம்பிட்டிய சுமனரத்ண தேரரின் தலைமையில் குறித்த பிரதேசத்தில் அருகாமையில் வாழுகின்ற முஸ்லிம் மக்களுக்கெதிரான ஆர்ப்பாட்டம் நேற்று 15.08.2017ம் திகதி காலை தொடக்கம் பிற்பகல் இரண்டு மணி வரை இடம்பெற்றது.

குறித்த ஆர்ப்பாட்டமும் விடயமும் இன்று கல்குடாப்பிரதேசத்தில் முக்கிய பேசும் பொருளாக மட்டுமல்லாது, தேசியத்திலேயே முக்கிய செய்தியாகப் பார்க்கப்படுகின்றது. அந்த வகையில், அம்பிட்டிய சுமனரத்ண தேரருடைய குறித்த விடயம் சம்பந்தமான தலையீடுகள் பிரதேசத்தில் இனமுறுகலினை தோற்றுவிக்கக்கூடியதென பலவாறாகப் பலராலும் பேசப்பட்டு வருகின்ற விடயமாக மாறியுள்ளது.

ஆகவே, குறித்த விடயம் சம்பந்தமாக அம்பிட்டிய சுமனரத்ண தேரரின் நிலைப்பாடு என்ன? ஏன் இவ்வாறு அவர் நடந்து கொள்கின்றார்? இதற்குப் பின்னால் ஏதும் பின்னணிகள் இருக்கின்றனவா? எதனை எதிர்பார்த்து இவ்வாறு தேரர் நடந்து கொள்கின்றார்? போன்ற விடயங்களை மக்களுக்குத் தெளிவுபடுத்துமுகமாக சமூக ஆர்வலரும் நாபீர் பெளண்டேசனின் மட்டக்களப்பு மாவட்ட இணைப்பதிகாரியுமான சாட்டோ வை.எல்.மன்சூர், பிரதேசத்தின் முக்கிய புள்ளியான கபீர் ஹாஜியார், பிரதேசவாசி முபாறக் ஆகியோர்கள் சுமனரத்ண தேரரின் மட்டக்களப்பு மங்களராமயவிற்கு நேரடியாகச் சென்று கலந்துரையாடல்களில் ஈடுபட்டனர்.

கலந்துரையாடல்களுக்கு பிற்பாடு ஊடகங்களுக்கு அம்பிட்டிய சுமனரத்ண தேரர் வழங்கிய கருத்துக்கள் அடங்கிய காணொளியானது, எமது இணைய நாளிதழ் வாசகர்களுக்காக இங்கே பதிவேற்றம் செய்யப்பட்டுள்ளது.

வீடியோ சுமனரத்ண தேரரின் கருத்து:-
www.youtube.com/watch?v=Ggk5763PKE4&feature=youtu.be

கவர் போட்டோ

LEAVE A REPLY

Please enter your comment!
Please enter your name here